МӘМС

«Денсаулық - барлық адамдар үшін ең үлкен құндылық.

Міндетті медициналық сақтандыру Қазақстанда 2017 жылдың негізгі енгізулерінің біріне айналды. Егер бұрын медициналық сақтандыру көп жылдар бойы ерікті санатта жұмыс істеген болса, Қазақстанда міндетті медициналық сақтандырудың енгізілуі орасан зор өзгерістер әкелді.

Міндетті медициналық сақтандыру жүйесі Қазақстанға уақыт көшінен қалмауға көмектеседі, сондай-ақ сақтандыру нарығын одан әрі дамытуды ынталандырады. Өйткені, дамыған елдердің медициналық сақтандыру тәжірибесі бар екені ешкімге құпия емес және ол өмірдің іргелі бөлігі болып табылады.

МЕМЛЕКЕТ ТЕГІН МЕДИЦИНАЛЫҚ КӨМЕККЕ КЕПІЛДІК БЕРЕДІ:

• Жедел медициналық көмек және санитарлық авиация;
• Уәкілетті орган айқындайтын тізбе бойынша әлеуметтік маңызы бар аурулар, айналасындағыларға қауіп төндіретін аурулар кезінде, сондай-ақ "Міндетті әлеуметтік медициналық сақтандыру туралы" Қазақстан Республикасының Заңына сәйкес міндетті әлеуметтік медициналық сақтандыру жүйесінде медициналық көмек алуға құқығы жоқ адамдарға: бастапқы; консультациялық-диагностикалық көмекті қамтитын амбулаториялық-емханалық көмек алғашқы медициналық-санитарлық көмек маманы мен бейінді мамандардың жолдамасы бойынша көмек;
• Стационарлық көмек: уәкілетті орган айқындайтын тізбе бойынша – әлеуметтік маңызы бар аурулар, айналасындағыларға қауіп төндіретін аурулар кезінде ғана жоспарлы стационарлық көмек-уәкілетті орган айқындайтын емдеуге жатқызу жағдайларының жоспарланған саны шеңберінде бастапқы медициналық-санитариялық көмек маманының немесе медициналық ұйымның жолдамасы бойынша; шұғыл көрсетілімдер бойынша – жолдаманың болуына қарамастан;
• Әлеуметтік маңызы бар аурулар, айналасындағыларға қауіп төндіретін аурулар кезінде стационарды алмастыратын көмек – уәкілетті орган айқындайтын тізбе бойынша-бастапқы медициналық-санитариялық көмек маманының немесе медициналық ұйымның жолдамасы бойынша;
• Профилактикалық егулер.

МӘМС ҚҰРАМЫНА КІРЕДІ:

• Бастапқы медициналық-санитариялық көмекті, алғашқы медициналық-санитариялық көмек маманының және бейінді мамандардың жолдамасы бойынша консультациялық-диагностикалық көмекті қамтитын амбулаториялық-емханалық көмек (уәкілетті орган айқындайтын тізбе бойынша әлеуметтік маңызы бар аурулар, айналасындағыларға қауіп төндіретін аурулар кезіндегі медициналық көмекті қоспағанда);
• Дәрігердің рецепті бойынша амбулаториялық дәрі-дәрмекпен қамтамасыз ету;
• Стационарлық көмек (уәкілетті орган айқындайтын тізбе бойынша әлеуметтік маңызы бар аурулар, айналасындағыларға қауіп төндіретін аурулар кезіндегі медициналық көмекті қоспағанда): жоғары технологиялық медициналық қызметтерді қоса алғанда, емдеуге жатқызу жағдайларының жоспарлы саны шеңберінде бастапқы медициналық-санитариялық көмек маманының немесе медициналық ұйымның жолдамасы бойынша жоспарлы стационарлық көмек, шұғыл көрсетілімдер бойынша – алғашқы медициналық-санитариялық көмек маманының немесе медициналық ұйымның жолдамасының болуына қарамастан;
• Стационарды алмастыратын көмек (уәкілетті орган айқындайтын тізбе бойынша әлеуметтік маңызы бар аурулар, айналасындағыларға қауіп төндіретін аурулар кезіндегі медициналық көмекті қоспағанда) – бастапқы медициналық-санитариялық көмек маманының немесе медициналық ұйымның жолдамасы бойынша.»